Igrexa de Santa María de Bolmente.

* Santa María.

* Século XVIII (edificada sobre unha igrexa románica anterior).

* Restos románicos: cinco canzorros lisos no alzado sur da cabeceira, unha saeteira na cabeceira (hoxe tapiada) e o arco triunfal.

Edificio reconstruído no século XVIII (na fachada aparece a data de 1789) sobre unha edificación románica anterior.
O fraile Austerigo doouna no ano 876 ao mosteiro de Santa Cristina do Sil. 

Igrexa de sillería granítica, de planta basilical de 3 naves, con teito de madeira, tellada, a dúas augas, espadana no frontis, cun rosetón, e pórtico que cubre toda a fachada.

Consta de 3 portas de entrada; a central de medio punto, abucinada, con ornamentación radial no tímpano. 

O presbiterio está cuberto por bóveda de crucería, que conserva restos de pinturas murais do século XVIII, coa estrela de Salomón na clave.